အလင်းရောင်: August 2009

ဝိပဿနာ အားမထုတ်ဘဲနဲ့ နေရွှေ့ ညရွှေ့ ရွှေ့ နေတာသည်ဥာဏ်ကမဦးဘဲနဲ့  အသေ ဦးသွားရင် ကိုယ့်အတွက် နာမည်။ မသိမူကြောင့်ဒုက္ခဖြစ် ၊ဒုက္ခဖြစ်တော့အမြစ်ထွက်၊ အမြစ်ထွတ်တော့အပင်ပေါက် ချာလည်ဒုက္ခရောက်

Friday 28 August 2009

အပါယ်ပိတ်ကြပါစို့ 

အပါယ်ပိတ် တရား

အပါယ်သို့ ကျရောက်ပုံ

အပါယ်သို့ကျရောက်ပုံကို အခြေခံဗုဒ္ဓသာသနာဝင် အားလုံးသိပြီးသားဖြစ်သည်။ ဤနေရာတွင် ကုသိုလ်၊ အကုသိုလ်များကို နားလည်ရန်လိုအပ်သည်။ ယနေ့လူသားအားလုံး နေ့စဉ်သွားလာ လှုပ်ရှားနေသည့်အခါ ကုသိုလ်လုပ်လျှင်လုပ်သည်။ ကုသိုလ် မဖြစ်သည့်အချိန်မှာ အကုသိုလ် ဖြစ်ပါသည်။ ကုသိုလ်မလုပ်နိုင်သောပုဂ္ဂိုလ်သည် အကုသိုလ်လုပ်မှာ သေချာလှပါသည်။ ကုသိုလ် အကုသိုလ်မဖြစ်လျှင် "ဘ၀င်စိတ်" ဖြစ်မည်။ ၄င်းမှာ အိပ်ပျော်နေချိန် ဖြစ်သောစိတ် ဖြစ်သည်။

ထိုကဲ့သို့ပင် ဒုစရိုက်၊ သုစရိုက်ကိုလည်း အားလုံးနားလည်ထားသင့်သည်။ ဒုဆိုသည်မှာ မကောင်းသော၊ အပြစ်နှင့်တစ်ကွဖြစ်သော၊ အပါယ်(၄)ပါးကို ကျရောက်နိုင်သော လို့အဓိပ္ပါယ်ရပါသည်။ စရိုက်ဆိုသည်မှာ အကျင့်ဖြစ်သည်။ ဒုစရိုက်ဆိုသည်မှာ မကောင်းသော၊ အပါယ်(၄)ပါးသို့ ကျရောက်နိုင်သော၊ အပြစ်ကိုဖြစ်စေသော အကျင့်ဖြစ်သည်။ သုစရိုက်မှာ ဒုစရိုက်၏ဆန့်ကျင်ဘက်ဖြစ်သည်။ ကောင်းမြတ်သောအကျင့်ဖြစ်သည်။ ဒုစရိုက်ဆယ်ပါး ရှိရာ အုပ်စုအနေနှင့် (၃)အုပ်စုရှိသည်။ ကာယဒုစရိုက်(၃)ပါး၊ ၀စီဒုစရိုက်(၄)ပါး၊ မနော ဒုစရိုက်(၃)ပါးဖြစ်ပြီး ပထမအုပ်စုကာယဒုစရိုက်မှာ သတ်ခြင်း၊ ခိုးခြင်း၊ ဖောက်ပြန်ခြင်း။ ဒုတိယအုပ်စု ၀စီဒုစရိုက်မှာ လိမ်ခြင်း၊ ကုန်းတိုက်ခြင်း၊ ကြမ်းတမ်းစကားပြောခြင်း၊ အချည်းနှီးသိမ်ဖျင်းသော စကားပြောခြင်း ဖြစ်ပြီး၊ တတိယ အုပ်စု မနောဒုစရိုက်မှာ အဘိဇ္ဈာ၊ ဗျာပါဒ၊ မိစ္ဆာဒိဠိ တို့ဖြစ်သည်။

အဘိဇ္ဈာ မှာ သူတစ်ပါးပစ္စည်းကို မတရားလိုချင်ခြင်း၊ ဗျာပါဒမှာ သူတစ်ပါးကို နှိပ်စက်ညှင်းဆဲ သတ်ဖြတ်လိုခြင်း၊ မိစ္ဆာဒဠိမှာ အယူမှား၊အမှတ်မှားခြင်းတို့ ဖြစ်သည်။ မနောဒုစရိုက်သုံးမျိုးတွင် အဆိုးဆုံးသည် မိစ္ဆာဒိဠိဖြစ်သည်။ မိစ္ဆာဒိဠိကြောင့်သာလျှင် အပေါ်က ဒုစရိုက်ကိုးမျိုးကို ကျူးလွန်ခြင်းဖြစ်သည်။
မိစ္ဆာဒိဠိ ကြောက်စရာကောင်းပုံကို ဘုရားရှင် ဆုံးမတော်မူသည်မှာ "ဦးခေါင်းမီးလောင်၊ ရင်ဝလှံစူးလျှင် ခဏထား၍ရသည်။ မိစ္ဆာဒိဌိကို အရင်ဆုံးပယ် သတ်နိုင်အောင် ကျင့်ကြံကြပါရန်" တိုက်တွန်းတော်မူသည်။ "ဦးခေါင်းမီးလောင်၊ ရင်ဝလှံစူးလျှင် တစ်ဘ၀ပဲသေပြီး မိစ္ဆာဒိဌိနှင့်ဆိုလျှင် တစ်သံသရာလုံး အိုလို့မဆုံး သေလို့ မဆုံး ဖြစ်နေမည်" လို့ ဆုံးမတော်မူခဲ့သည်။

ဒုစရိုက်မှာ အခြေခံအားဖြင့် ဆယ်ပါးဖြစ်ပြီး ပွားလိုက်လျှင် လေးဆယ်ရသည်။ အုပ်စုအားဖြင့် (၄)အုပ်စု ဖြစ်သည်။ ပထမအုပ်စုက ဆယ်ပါးလုံးကိုယ် တိုင်ကျူးလွန်ခြင်း။ ဒုတိယအုပ်စုက တစ်ပါးသောပုဂ္ဂိုလ်ကို စေခိုင်းခြင်းဖြင့် ကျူးလွန်ခြင်း၊ တတိယအုပ်စုက တစ်ပါးသောပုဂ္ဂိုလ်ကိုသွယ်ဝိုက် သောနည်းဖြင့် ကျူးလွန်ရန်အားပေးခြင်း၊ စတုတ္ထအုပ်စုမှာ တစ်ပါးသူက ကျူးလွန်နေချိန်မှာ စိတ်ထဲမှဝမ်း မြောက်ခြင်းဖြစ်သည်။ ဒုစရိုက် လေးဆယ်ရှိသလို၊ ပြောင်းပြန်ပြန်၍ သုစရိုက်ဆယ်ပါးပွားလျှင်လည်း အပွားလေးဆယ် ရပါသည်။ ဒုစရိုက်ဆယ်ပါး၊ အပွားလေးဆယ်ကို ကျူးလွန်သော ပုဂ္ဂိုလ်များအားလုံး အပါယ်ကျမှာ ဖြစ်ပါသည်။

အပါယ်(၄)ပါးတွင် ပြိတ္တာ၊ ငရဲ၊ တိရစ္ဆာန်၊ အသူရကာယ်သည် အကျိုးတရားလေးပါးဖြစ်ပြီး အကြောင်းတရားလည်း လေးပါးရှိပါသည်။ လောဘကြောင့် ပြိတ္တာဖြစ်သည်။ ဒေါသကြောင့် ငရဲရောက်သည်။ မောဟ ကြောင့် တိရစ္ဆာန်ဖြစ်ပြီး၊ မာနကြောင့် အသူရကာယ်ဖြစ်သည်။ ထိုအကြောင်းတရားတွေ လုပ်နေသမျှကာလပတ်လုံး အပါယ်ဘေးက လွတ်မည်မဟုတ်။ ထိုအကြောင်းတရားများကို ပတ်သက်ဖို့ ဒါန၊ သီလ၊ သမထလောက်နှင့်မဖြစ်နိုင်ပေ။ ထိုသုံးမျိုးကို လုပ်နေသမျှ ကံအကျိုးပေးကိုရပြီး ကံလမ်းသာလျှင် ဖြစ်သည်။ဝိပဿနာ ဘာဝနာကတော့ ဉာဏ်လမ်းဖြစ်ပြီး လုပ်သလောက် တက်ပါ သည်။ ယနေ့ ဗုဒ္ဓဘာသာဝင် အများစုသည် ဒါန၊ သီလ၊ သမထ ဘာဝနာကို လုပ်ကြပါသည်။

သို့သော် ၀ိပဿနာ ဘာဝနာမှာ အလှမ်းဝေးနေတာကို တွေ့ရပါသောကြောင့် ယနေ့ ၀ိပဿနာကို အလေးအနက်ဟောခြင်းဖြစ်ပါသည်။ မြေကြီးကနေ တာဝတိံသာအထိ ပုံပြီး လှူ၊ သီလကို ကြိုက်သလောက် ထိန်း၊ သမထကိုလည်း မြေလျှိုး၊ မိုးပျံ ကြိုက်သလောက်ကျင့်၊ ဒါတွေလုပ်လို့ အပါယ်က လွတ်ပါတယ်လို့ ပြောလျှင် မှားပါသည်။

သူ့အကျိုးပေးရှိသလောက် အကျိုးပေးရနိုင်ပေမယ့် အပါယ်လွတ်ရန်မသေချာပါ။ ဒါန၊ သီလ၊ သမထ သုံးမျိုးမှာ ဘုရားမပွင့်သည့် သာသနာပမှာ လည်းရှိသည်။ ဘာသာခြားများလည်း လုပ်နိုင်ပါသည်။ မလုပ်နိုင်သောအကျင့်မှာ ၀ိပဿနာပင်ဖြစ်သည်။ ဒါန၊ သီလ၊ သမထမှာ အခြေခံမျှသာဖြစ်ပြီး အတန်းအနေနှင့်ပြောလျှင် မူလတန်း၊ အလယ်တန်း၊ အထက်တန်းမျှသာဖြစ်သည်။ တက္ကသိုလ်မရောက်ပေ။ ဘွဲ့ယူနိုင်ဖို့အလှမ်းဝေးပါသည်။ထိုသုံးမျိုး အခြေခံပြီး ၀ိပဿနာကို လုပ်မှသာ အပါယ်လွတ်မည်ဖြစ်သည်။ ကံအကျိုးပေးရှိသလောက် လူ၊ နတ်၊ ဗြဟ္မာချမ်းသာကို ရရှိမှာဖြစ်ပြီး၊ ကုန်ပြီဆိုသည် နှင့်ပြန်ဆင်းပြီး အပါယ်ရောက်မှာဖြစ်သည်။ တကယ်တမ်း မှာ အပါယ်တံခါးမပိတ်ပါ။ဝိပဿနာ ဘာဝနာကို ပွားများပါက အကျိုးပေးပြန်မကျဘဲ လုပ်လေတက်လေဖြစ်ပြီး အပေါ်သို့သာ တိုးတက်နေပါသည်။ ဥပမာ..ဒါန၊ သီလ၊ သမထသည် ပိုက်ဆံချမ်းသာခြင်းနှင့်တူသည်။ ပိုက်ဆံကုန်လျှင်ဆင်းရဲသားပြန် ဖြစ်သလို ဒါန၊ သီလ၊ သမထ အကျိုးပေးကုန်လျှင်လည်း အပါယ်ပြန်ဆင်းသည်။ ၀ိပဿနာဘာဝနာမှာ သင်ကြားတတ်မြောက်ထားသည့် ပညာနှင့်တူသည်။ ဘယ်လောက်သုံးသုံး မကုန်နိုင်ပေ။

ထို့ကြောင့်လည်း ၀ိပဿနာမလုပ်သေးလျှင် အပါယ်သို့ ကျရောက်နိုင်သေးကြောင်း ထင်ရှားလွန်းလှသဖြင့် သတ္တ၀ါအားလုံးတို့အား ၀ိပဿနာ ဘာဝနာ အကျင့်ကို အမြန်ဆုံး ကျင့်ကြရန် တိုက်တွန်းခြင်းဖြစ်ပါသည်။

ဓမ္မစကြာသုတ္တန်တရား

“သန္ဓေ၊ တောထွက်၊ ဓမ္မစက်”ဟူ၍ ဆိုရိုးစကားရှိသည့်အတိုင်း ၀ါဆိုလပြည့်နေ့သည် ဂေါတမဗုဒ္ဓမြတ်စွာဘုရားရှင် ဘုရားဖြစ်မည့် ယခုနောက်ဆုံး ဘ၀တွင် ပဋိသန္ဓေယူသောနေ့၊ တောထွက်တော်မူသောနေ့နှင့် ဓမ္မစကြာတရားဦးဟောသောနေ့ ဟူသည့် နေ့ထူးနေ့မြတ်သုံးခု တိုက်ဆိုင်သောနေ့ပင်ဖြစ်သည်။

ဂေါတမဗုဒ္ဓ အလောင်းတော်သည် မဟာသက္ကရာဇ် ၆၇ ခုနှစ် ၀ါဆိုလပြည့်နေ့ညတွင် ကပိလ၀တ် ဘုရင် သုဒ္ဓေါဓန၏ မိဖုရားခေါင်ကြီး မဟာမာယာဒေ၀ီ၏ ၀မ်းကြာ တိုက်တွင် ပဋိသန္ဓေနေတော်မူသည်။

သန္ဓေယူ၍ ၁၀ လအကြာ၊ သက္ကရာဇ် ၆၈ ခုနှစ် ကဆုန်လပြည့် သောကြာနေ့တွင် ကပိလ၀တ်နှင့် ကောလိယနှစ်ပြည်အကြား ယခုနီပေါနိုင်ငံအတွင်းရှိ လုမ္ဗိနီ အမည်ရှိ အင်ကြင်းတောတွင် ဖွားမြင်တော်မူသည်။

အသက် ၂၉ နှစ်အရွယ်အထိ နန်းစည်းစိမ်ကို သူမတူအောင် ခံစားခဲ့ပြီးနောက် မဟာသက္ကရာဇ် ၉၇ ၀ါဆိုလပြည့် တနင်္လာနေ့တွင် မင်းစည်းစိမ်ကို စွန့်လွှတ်၍ တောထွက်တော်မူသည်။ ဟိမ၀န္တာတောင်ခြေရှိ ဥရုဝေလတောတွင် အစာရေစာဖြတ်တောက်ကာ ဒုက္ကရစရိယာ (ကျင့်နိုင်ခဲသောအကျင့်) ကို ခြောက်နှစ်တိုင် ပင်ပန်းဆင်းရဲစွာကျင့်တော်မူသည်။

မဟာသက္ကရာဇ် ၁၀၃ ခုနှစ် ကဆုန်လပြည့် ဗုဒ္ဓဟူးနေ့တွင် မဇ္ဈိမဒေသ ဗုဒ္ဓဂယာရှိ ဗောဓိပင်ရင်း၌ သဗ္ဗညုတဉာဏ်ကိုရ၍ ဗုဒ္ဓအဖြစ်သို့ ရောက်တော် မူသည်။ ဘုရားဖြစ်ပြီးနောက် ၄၉ ရက်တိုင်တိုင် သတ္တသတ္တာဟ (တစ်နေရာတွင် ခုနစ်ရက်စီနှင့် ခုနစ်နေရာ) စံတော်မူ၍ တရားကျင့်ဖော်ကျင့်ဖက် ပဉ္စ၀ဂ္ဂီ ငါးဦးတို့အား ကျေးဇူးဆပ်သည့်အနေဖြင့် တရားဦးဟောရန် ဗာရာဏသီမြို့အနီးရှိ မိဂဒါဝုန်တောသို့ ကြွတော်မူသည်။

ထိုနှစ် ၀ါဆိုလပြည့် စနေနေ့တွင် “သမင်တို့ကိုဘေးမဲ့ပေးရာတော”ဟု အဓိပ္ပာယ်ရသည့် မိဂဒါဝုန်၌ ပဉ္စ၀ဂ္ဂီငါးပါးတို့အား ဓမ္မစကြာတရားဦး ဟောတော်မူသည်။

ဤသို့ ပဉ္စ၀ဂ္ဂီတို့အား ဓမ္မစကြာ တရားဦးဟောသည်ကို အစွဲပြု၍ ၀ါဆိုလပြည့်နေ့ကို “ဓမ္မစကြာအခါတော်နေ့” ဟူ၍လည်း ခေါ်ကြသည်။ “ဓမ္မစကြာ”၏ အဓိပ္ပာယ်မှာ “ဓမ္မ=တရား၊ စကြာ=အ၀န်းအ၀ိုင်း၊ ဘီး” ဟူ၍ဖြစ်ပြီး မြတ်စွာဘုရားရှင်၏ ၄၅ ၀ါပတ်လုံး ဟောကြားတော်မူခဲ့သည့် တရားတော်များအနက် ပထမဆုံးဖြစ်သည့် ထိုတရားသည် ရပ်နေသောတရားဘီးလုံးကြီးကို စတင်လှည့်လိုက်သည်နှင့် တူသောကြောင့် “ဓမ္မစကြာ” ဟူ၍ အမည်ရခြင်းဖြစ်သည်။

ဓမ္မစကြာတရားတော် အနှစ်ချုပ်

မြတ်စွာဘုရားရှင်၏ ဓမ္မစကြာတရားတော်ကို လွယ်ကူရှင်းလင်းသောစကားပြေဖြင့် ပြန်လည်ဖော်ပြရသော် …

လောကတွင် အစွန်းနှစ်ပါးရှိ၏။ ယင်းတို့မှာ ကာမဂုဏ်စည်းစိမ်ကို လိုက်စားခံစားခြင်းဆိုသည့် အစွန်းတစ်ပါးနှင့် မိမိကိုယ်ကိုယ် ဆင်းရဲပင်ပန်းအောင် ညှင်းဆဲခြင်းဆိုသည့် အစွန်းတစ်ပါးတို့ဖြစ်သည်။ ယင်း အစွန်းနှစ်ပါးစလုံးသည် သံသရာဝဋ်ဆင်းရဲမှလွတ်မြောက်ကြောင်းတရားမဟုတ်၊ အရိယာ သူတော်စင်တို့၏ အကျင့်တရားမဟုတ်၊ ချမ်းသာကိုဆောင်ယူပေးနိုင်သောတရားမဟုတ်။

မြတ်စွာဘုရားသည် ထိုအစွန်းနှစ်ပါးစလုံးကို ရှောင်တော်မူ၍ အလယ်အလတ်ဖြစ်သော (မဇ္ဈိမပဋိပဋာ) လမ်းစဉ်ကို ထူးသောဉာဏ်ဖြင့် ထိုးထွင်း၍ သိခဲ့ပြီ။ ထိုအကျင့်သည်သာလျှင် ကိလေသာငြိမ်းရန်၊ သစ္စာလေးပါးကိုထိုးထွင်းသိမြင်ရန်၊ နိဗ္ဗာန်ကိုမျက်မှောက်ပြုရန်ဖြစ်သည်။

ထို အလယ်အလတ်ဖြစ်သော မြတ်သောအကျင့်သည် အဘယ်နည်း။ ယင်းတို့မှာ သမ္မာဝါစာ (မှန်သောစကား)၊ သမ္မာကမ္မန္တ (မှန်သောအလုပ်)၊ သမ္မာ အာဇီဝ (မှန်သောအသက်မွေးမှု)၊ သမ္မာသတိ (မှန်သော အောက်မေ့အမှတ်ရမှု)၊ သမ္မာဝီရိယ (မှန်သောအားထုတ်မှု)၊ သမ္မာသမာဓိ (မှန်သော တည်ကြည်မှု)၊ သမ္မာသင်္ကပ္ပ (မှန်သောကြံစည်မှု)နှင့် သမ္မာဒိဋ္ဌိ (မှန်သောအမြင်)ဆိုသည့် မဂ္ဂင်ရှစ်ပါးတို့ပင်တည်း။

မြတ်စွာဘုရားသည် အစွန်းနှစ်ပါးကိုလည်းကောင်း၊ အစွန်းနှစ်ပါးမှလွတ်ရာ အလတ်အလတ်လမ်းကိုလည်းကောင်း ပြဆိုပြီးနောက် အရိယာ သစ္စာလေးပါးကို ဆက်လက်ဟောကြားတော်မူပါသည်။

သစ္စာလေးပါး

ပထမသစ္စာမှာ “ဒုက္ခသစ္စာ” ဆိုသည့် ဆင်းရဲခြင်းအမှန်တရားဖြစ်သည်။ ဆင်းရဲခြင်းဆိုသည်မှာ အဘယ်နည်းဟု ဆိုလိုသည်။ မြတ်စွာဘုရားက ပဋိသန္ဓေနေရခြင်းသည် ဆင်းရဲ၏။ အိုရခြင်းသည် ဆင်းရဲ၏။ နာရခြင်းသည် ဆင်းရဲ၏။ သေရခြင်းသည် ဆင်းရဲ၏။ ချစ်သောသူတို့နှင့် ကွေကွင်းရခြင်း သည်ဆင်းရဲ၏။ မချစ်သောသူတို့နှင့် အတူနေရခြင်းသည် ဆင်းရဲ၏။ လိုချင်တာကိုမရခြင်းသည် ဆင်းရဲ၏။ အနှစ်ချုပ်အားဖြင့် ဤဘ၀ခန္ဓာသည် ပင်လျှင် ဆင်းရဲဒုက္ခဖြစ်၏ဟု ဟောတော်မူသည်။

ယင်းနောက် ဒုတိယသစ္စာဖြစ်သည့် “သမုဒယသစ္စာ”ခေါ် ဆင်းရဲခြင်းဖြစ်ကြောင်းအမှန်တရားကို ဟောကြားသည်။ ဘာကြောင့် ဆင်းရဲခြင်းဆိုသည့် ခန္ဓာငါးပါးတို့ကိုရသနည်း၊ ဆင်းရဲခြင်း၏ အကြောင်းရင်းမှာအဘယ်နည်းဟု ဆိုလိုသည်။ ဆင်းရဲခြင်း၏အကြောင်းရင်းမှာ “တဏှာ”ဆိုသည့် စွဲလမ်းတပ်မက်မှုဖြစ်၏။ ထိုတဏှာသည် ဘ၀အသစ်ကို ပြန်လည်ဖြစ်စေတတ်၏။ ထိုတဏှာသည် ထိုထို အာရုံတို့အပေါ် ပြင်းစွာ စွဲလမ်းစေ၏ဟု ဟောတော်မူသည်။

တတိယမြောက် သစ္စာဖြစ်သော “နိရောဓသစ္စာ” ခေါ် ဆင်းရဲခြင်းတို့ချုပ်ငြိမ်းရာကို ပြဆိုရာ၌ ဆင်းရဲခြင်း၏ချုပ်ငြိမ်းခြင်းသည် ဆင်းရဲခြင်းကို ဖြစ်စေတတ်သော ထို တဏှာမှလွတ်မြောက်ခြင်း (နိဗ္ဗာန်) ပင်ဖြစ်၏ဟု ဟောတော်မူသည်။

စတုတ္ထသစ္စာမှာ “မဂ္ဂသစ္စာ” ခေါ် နိဗ္ဗာန်ရောက်ကြောင်းအကျင့်ကောင်း အမှန်တရားဖြစ်၏။ ဆင်းရခြင်းမှလွတ်မြောက်ခြင်းဖြစ်သော ထို နိဗ္ဗာန်ကို မျက်မှောက်ပြုရန် မည်သည့်အကျင့်ကို ကျင့်ရမည်နည်း။ ယင်းအကျင့်ကောင်းကား (အထက်ကပြဆိုခဲ့သည့်) သမ္မာဝါစာ အစရှိသည့် အင်္ဂါရှစ်ပါးရှိသော မဂ္ဂင်ကျင့်စဉ်ပင်ဖြစ်၏ဟု ဆိုတော်မူသည်။

ထို ဆိုခဲ့ပြီးသော ဆင်းရဲခြင်းအမှန်တရား (ဒုက္ခသစ္စာ)၊ ဆင်းရဲခြင်း၏အကြောင်းရင်း (သမုဒယသစ္စာ)၊ ဆင်းရဲခြင်းမှ လွတ်ငြိမ်းခြင်း (နိရောဓ သစ္စာ) ၊ ဆင်းရဲခြင်းမှလွတ်ငြိမ်းခြင်း၏လမ်းစဉ် (မဂ္ဂသစ္စာ) တို့ကို ရှေးယခင်က မသိခဲ့ကြောင်း၊ ယခု မြတ်စွာဘုရားသည် ထိုတရားတို့ကို ပညာမျက်စိ ဖြင့်သိပြီ။ အသိဉာဏ်ဖြင့် သိပြီ။ အထူးသိသောပညာဖြင့်သိပြီ။ ထိုးထွင်းသိတတ်ပြီ။ ဉာဏ်၌ အလင်းရောင်သည် ထင်ရှားဖြစ်ပေါ်ခဲ့ပြီဟု ဥဒါန်းကျူးရင့်တော် မူပါသည်။

မြတ်စွာဘုရားက ဆက်လက်၍ ဆိုခဲ့ပြီးသော၊ အရိယာတို့သာထိုးထွင်းသိအပ်သော အမှန်တရား (သစ္စာလေးပါး)တို့ကို ယခင် သူ မသိခဲ့စဉ် ကာလတလျှောက်လုံး ထိုတရားတို့ကိုသိခဲ့ပြီဟု မ၀န်ခံခဲ့ဖူးကြောင်း၊

ယခု ထိုတရားလေးပါးတို့ကို သိပြီးသည့်အခါမှသာ သိပြီးပြီဟု ၀န်ခံကြောင်း၊ မြတ်စွာဘုရားက သူ၏ ကိလေသာမှလွတ်မြောက်ခြင်းသည် မပျက်စီး နိုင်တော့ကြောင်း၊ ယခုဘ၀သည် အဆုံးစွန်သောဘ၀ (နောက်ဆုံးဘ၀)ဖြစ်ကြောင်း၊ နောက်ထပ်ဘ၀သစ်တစ်ဖန် ထပ်မံနေစရာမရှိတော့ပြီဟု သုံးသပ်ဆင်ခြင်နိုင်ခဲ့ပြီဖြစ်ကြောင်းဆိုရင်း ဓမ္မစကြာတရားကို အဆုံးသတ်တော်မူလေသည်။

ထိုသို့ မြတ်စွာဘုရား၏ တရားတော်ကို နာကြားရသည့် ပဉ္စ၀ဂ္ဂီတို့သည် တရားတော်ကို ၀မ်းမြောက်ဝမ်းသာခံယူကြ၏။ ပဉ္စ၀ဂ္ဂီတို့အနက် အသက်အကြီးဆုံးဖြစ်သော အရှင်ကောဏ္ဍညသည် သောတာပတ္တိမဂ်ဉာဏ်ကိုရသူ (သောတာပန်ပုဂ္ဂိုလ်) ပထမဆုံးပုဂ္ဂိုလ် ဖြစ်လာ၏။

ထိုအခါ မြတ်စွာဘုရားသည် “ကောဏ္ဍညသည် တရားကိုသိပြီ”ဟု ကျူးရင့်တော်မူလေသည်။

အရှင်ကောဏ္ဍညသည် မြတ်စွာဘုရားထံတွင် ရဟန်းအဖြစ်ကိုရလိုကြောင်းလျှောက်၏။ မြတ်စွာဘုရားသည် “ရဟန်း လာလော့။ ငါ့သာသနာ၌ ၀ဋ်ဆင်းရဲကိုအဆုံးသတ်စေရန် မြတ်သောအကျင့်ကိုကျင့်လော့” ဟု ခေါ်တော်မူ၏။ အရှင်ကောဏ္ဍညသည် ရဟန်းအဖြစ်ကို ရလေသည်။ အရှင် ကောဏ္ဍညသည် မြတ်စွာဘုရား၏ သာသနာ၌ ပထမဦးဆုံး တရားကိုထိုးထွင်းသိသူ၊ ပထမဆုံးရဟန်းအဖြစ်ကိုရသူ ဖြစ်လာခဲ့သည်။

တရား VCD

တရား VCD များကိုရှာဖွေရန်
http://www.youtube.com/results?search_query=myanmar+tayar&search_type=&aq=f

Thursday 27 August 2009

အမြတ်ဆုံး

အလှူတကာအလှူတွင်တရားအလှူသည်အမြတ်ဆုံးဖြစ်၏

ဤဆိုက်လေးများဖြန့်ဝေပေးချင်းဖြင့် တရားအလှူပြုလုပ်ပေးနိုင်ပါသည်။

http://dhammaanalysis.multiply.com/ ထေရ၀ါဒတို့ တိုင်းပြည်

http://www.youtube.com/watch?v=xMiy24SAI-A&feature=related&pos=9
ရှင်ဇ၀န တခဏတာ သရဏဂုံ

http://www.youtube.com/watch?v=amUE2FTobQM&feature=related&pos=3 ရှင်ဆေကိန္ဒ

http://www.youtube.com/watch?v=t1xyA4fv5po&feature=related&pos=0
လူမိုက်တို့သွားရာလမ်း

http://www.youtube.com/watch?v=IYAynaV_yWs&feature=related&pos=5 ရှင်ဥာဏိဿရမေတ္တာ
http://www.youtube.com/watch?v=g9lZokbHf-w&feature=related&pos=9 မင်္ဂလသုတ်

http://www.youtube.com/watch?v=AU5W6Jux7hE&feature=related&pos=17
ရွှေလင်းယုန်မေတ္တာသုတ်
http://www.youtube.com/watch?v=sZ2k-HnKjWs&feature=related&pos=13 ပရိတ်အင်္ဂါ
http://www.youtube.com/watch?v=kcVwWlFcTJY&NR=1 ရွှေလင်းယုန် နှင့်
မေတ္တာ သုတ်တော်များ
http://www.youtube.com/watch?v=dciB_Am6B2s&NR=1 မေတ္တာသုတ် အတ္ထုပ္ပတ္တိ တရားတော်

http://www.peterzawlinn.f2s.com/Payate/UVicitta/UVicittaParittas.htm
ဦးဝိစိတ္တသာရ websites ပရိတ်ကြီး ၁၁ သုတ်အပါအ၀င် အသံတော်+စာသား

http://www.peterzawlinn.f2s.com/Payate/UUttamasara/UUttamasaraParittas.htm
တောင်တန်းသာသနာပြုဆရာတော်ဘုရားကြီး အသံတော်+စာသား

http://www.mogokinsightny.org/ မိုးကုတ်ဆရာတော်ကြီး မူရင်း
နယူးယောက်Website အရှေ့အရပ်ရှိသောအနန္တသတ္တ၀ါတို့... မေတ္တာပို့ auto ပွင့်

http://www.mogokinsightny.org/circle_myanmar/ မိုးကုတ်ဆရာတော်ကြီး
မူရင်း Website မှ ပစ္စသမုပ္ပဒ်လည်ပုံတရားAuto ပွင့်သည်

http://naynaynaing.blogspot.com/2008/05/blog-post.html ပရိတ်ကြီး ၁၁
သုတ် Mp3 တစ်သုတ်ချင်း

http://www.shweamyutay.com/site/index.php အောက်ပိုင်းတွင်တရားများရှိပါသည်

http://www.burmaborn.com/2009/01/blog-post.html
ရှင်ဥာဏိဿရဓမ္မစင်္ကြာအသံတော်တွဲလျှက်website နှင့်
အခြားဆရာတော်ကြီးများတရားအစုံပါပြီ

http://dhammahaewon.page.tl/

http://www.dhammaonline.org/Chanting.php ပရိတ်ကြီး ၁၁ သုတ်
ပဌာန်းပါလိတော် များစာအုပ် Free download

http://sharingtofrds.blogspot.com/2007/06/blog-post_2835.html
ဓမ္မ+အိုင်တီ Free Download and Special For ရွှေလင်းယုန်

http://wikimyanmar.co.cc/wiki/index.php/%E1%80%95%E1%80%9B%E1%80%AD%E1%80%90%E1%80%B9%E1%81%BE%E1%80%80%E1%80%AE%E1%80%B8_%E1%81%81%E1%81%81_%E1%80%9E%E1%80%AF%E1%80%90%E1%80%B9
မြန်မာWikipediaပရိတ်ကြီး

http://video.google.com/videoplay?docid=7215802796121086188
ရွှေလင်းယုန်ပရိတ်ကြီး စ-ဆုံး

http://video.yahoo.com/watch/615209/2927119 Part2 ပရိတ်ကြီး

http://www.yamc.info/index.php

http://solomonn.0fees.net/wordpress/?page_id=12 ဓမ္မဗဟုသုတ

http://uk.geocities.com/kabarmakyay/index.htm ပရိတ်ကြီး ၁၁ သုတ် ၏
စာသား ပါဌိ စ-ဆုံး

http://www.mediafire.com/?ivigvxcydic မင်းကွန်းဦးဝိစိတ္တ ပရတ်ကြီး ၁၁
သုတ် MP3 Download

http://www.sitagu.org/home/ (သီတဂူဆရာတော်)
http://www.dhammaceti.org/home.htm (ဓမ္မစေတီ ဆရာတော် ဦးကောသလ္လ)
http://mettashin.com/ (အရှင်ဇ၀န)(မေတ္တာရှင်-ရွှေပြည်သာ -၁)
http://mettashin.dhammathukha.com/index.php?option=com_content&view=frontpage
(အရှင်ဇ၀န)(မေတ္တာရှင်-ရွှေပြည်သာ -၂)
http://theinngu.org/ (သဲအင်းဂူဆရာတော်)
http://www.mahasi.org.mm/ (မဟာစည်-၁)
http://www.mahasi.org/ (မဟာစည်-၂)
http://dhammaduta.net/ (အရှင်ပညိဿရ-ဓမ္မဒူတ)
http://www.shweparami.net/ (အရှင်ဆန္ဒာဓိက)
http://www.yawainwe.net/ (အရှင်ရာဇိန္ဒ)(ရဝေနွယ်-အင်းမ)
http://www.shwehinthar.com/buddhism/ (ရွှေဟင်္သာဆရာတော်)
http://www.pilotsayadaw.net/ (အရှင်ဇေယျပဏ္ဍိတ-ပိုင်းလော့ဆရာတော်)
http://www.chanmyay.org/ (ချမ်းမြေ့ဆရာတော်)
http://majjhimagonyi.info/ (အရှင်ကောဝိဒ-မဇ္ဈိမဂုဏ်ရည်)
http://www.paauktawya.org/ (ဖားအောက်တောရဆရာတော်)
http://www.phyusayadaw.com/ (ဖြူးဆရာတော်)
http://www.theravada-3p.org/ (ဆရာဦးမြင့်လွင်-သန့်တည်ပွား)
http://www.mogokinsightny.org/ (မိုးကုတ်ဆရာတော်ဘုရားကြီး)
http://realenlightenment.org/ (အရှင်ဥတ္တမသာရ)
http://www.lknt.org/ (အရှင်လောကနာထ)
http://lknt115.blogspot.com/ (အရှင်လောကနာထ)
http://kathitwinemyanmar.blogspot.com/ (ကသစ်ဝိုင်ဝိပဿနာ ဓမ္မရိပ်သာ)
http://www.dhammaduta.co.cc/ (အရှင်ဆေကိန္ဒ-ဓမ္မဒူတ)
http://www.dhammadutaonline.com/ (အရှင်ဆေကိန္ဒ-ဓမ္မဒူတ)
http://www.dhammadownload.com/ ( ဓမ္မ MP3 ဒေါင်းလုပ် )
http://www.lknt.org/ (တရားတော်များ)
http://dhammafocus.myanmarbloggers.org/ (ဓမ္မဆုံချက်)
http://531collections.co.cc/ (တရားတော်များ)
http://burmaborn.wordpress.com/ (တပိုင်တနိုင် သာသနာပြုရအာင်)

စိတ်ချမ်းသာဖို့ 

စိတ်ချမ်းသာဖို့လိုရင်းပါ

> *(၁) ငါဟာ ငါ့ဘ၀မှာ အရေးပါတဲ့သူ ဖြစ်တယ်။ ငါ့မိသားစုဘ၀မှာလည်း အရေးပါတဲ့သူ
> ဖြစ်တယ်။ ငါ့အသိုင်းအ၀ိုင်းမှာလည်း အရေးပါတဲ့သူ ဖြစ်တယ်။ ဘာတွေ
> လုပ်ပေးနိုင်လို့ အရေးပါတာလဲ။ ဘာမှ ထူးထူးခြားခြား လုပ်ပေးနိုင်လို့
> မဟုတ်ပါဘူး။ သွားရင်းလာရင်းနဲ့ စိတ်ချမ်းသာစရာလေးတွေကို ငါ ပြောနိုင်တယ်။
> တစ်ခါတလေ ကိုယ်တတ်နိုင်တဲ့အကူအညီ ပေးနိုင်တယ်။ ငါ့ကြောင့် နည်းနည်းလေးဖြစ်ဖြစ်
> စိတ်ချမ်းသာမှု ရစေချင်တယ်။ *
>
> * ငါ့ဘ၀မှာ ငါဟာ အရေးအပါဆုံးလူ မဟုတ်ရင် ဘယ်သူက ငါ့ဘ၀မှာ အရေးအပါဆုံး
> ဖြစ်မလဲ။ ငါဟာ ဘာမှ အသုံးမကျတဲ့သူလို့ ငါ့ကိုယ်ငါ သဘောထားရင် ဘယ်လိုလုပ်
> စိတ်ချမ်းသာမလဲ။ ဘယ်လိုလုပ် စိတ်အားတက်မလဲ။*
>
> *(၂) ငါ ဘယ်သူ့ကိုမှ ဒုက္ခမပေးမိအောင် သတိထားတယ်။ တစ်ယောက်ကိုတစ်ယောက်
> ဒုက္ခပေးနေကြရင် ဒီလောက်လူတွေများတဲ့ လောကကြီးမှာ ဘယ်နေလို့ ဖြစ်တော့မလဲ။
> ဒါကြောင့် စိတ်ချမ်းသာမှုမပေးနိုင်ရင် ရှိပါစေတော့ စိတ်ဆင်းရဲမှုတော့ မပေးမိအောင်
> သတိထားပါတယ်။*
>
> *(၃) ဒီနေ့ဟာ အရေးအကြီးဆုံးနေ့ပဲ။ ဒီနေ့ကို တန်ဖိုးထားမှ နေ့တိုင်း
> တန်ဖိုးရှိတဲ့နေ့ ဖြစ်မယ်။ နေ့တိုင်း တန်ဖိုးရှိတဲ့နေ့ဖြစ်မှ ငါ့ဘ၀ဟာ
> တန်ဖိုးရှိတဲ့ဘ၀ဖြစ်မယ်။ ဒါကြောင့် ဒီနေ့ တန်ဖိုးရှိတာ လုပ်မယ်။ ပညာရှာမယ်။
> မိတ်ဆွေကောင်းရှာမယ်။ စိတ်ချမ်းသာအောင် နေမယ်။ မွေးနေ့မှာ Happy Birth Day
> ပျော်ရွှင်စရာမွေးနေ့လို့ ပြောကြတယ်။ ပျော်လည်းပျော်ကြတယ်။ နေ့တိုင်း အဲဒီလို
> ပျော်လို့ မဖြစ်ဘူးလား။ မဖြစ်နိုင်စရာအကြောင်း ဘာရှိသလဲ။ နေ့တိုင်း မွေးနေ့လို့
> သဘောထားမယ်။ *
>
> *(၄) ဒီနေ့လုပ်ရမယ့် အလုပ်တွေကို အကောင်းဆုံးဖြစ်အောင် လုပ်မယ်။ လူတွေကို
> အကောင်းဆုံးသဘောထားနဲ့ ဆက်ဆံမယ်။ ငါနဲ့တွေ့ရတဲ့ လူတွေဟာ ငါ့လိုပဲ ဘ၀ကို
> ရုန်းကန်ပြီး နေသွားကြတယ်။*
>
> *(၅) ကိုယ်တတ်နိုင်တာကို ပျော်ပျော်ရွှင်ရွှင် စိတ်ပါလက်ပါ၊ ရိုးရိုးသားသား
> စေတနာနဲ့ လုပ်မယ်။ မတတ်နိုင်တာကို မတတ်နိုင်ဘူးလို့ သဘောထားမယ်။ အဲဒီလို
> မတတ်နိုင်တဲ့အတွက်ကြောင့် စိတ်ဆင်းရဲမခံဘူး။*
>
> *(၆) ဒီနေ့ အကူအညီလိုတဲ့ ငါ့မိတ်ဆွေတစ်ယောက်ကို အကူအညီပေးမယ်။ လူ့ဘ၀မှာ
> တစ်ဦးကိုတစ်ဦး အကူအညီပေးပြီးနေသွားမှ အားလုံး အဆင်ပြေမယ်။ ငါကလည်း
> ဘယ်သူ့ကိုမှ အကူအညီမပေးဘူး။ ဘယ်သူ့ဆီကမှလည်း အကူအညီ မယူဘူး ဆိုပြီး နေလို့
> မဖြစ်ဘူး။*
>
> *(၇) ငါ ခင်သလို ငါ့ကို မခင်ကြဘူးလို့ အပြစ် မတင်ဘူး။ သူတို့ မခင်တာဟာ ငါ့အတွက်
> စိတ်ဆိုးစရာ မဟုတ်ဘူး။ *
>
> *(၈) ` အပ္ပမာဒေန သမ္ပာဒေထ` လို့ ဘုရား နေ့တိုင်း ဟောကြား သတိပေးတာကို မမေ့ဘူး။
> အရေးးအကြီးဆုံး သတိပေး ဟောကြား မှာထားခဲ့တာကို နေ့တိုင်း အားထုတ်မယ်။ နေရာမရွေး
> အချိန်မရွေး သတိနဲ့နေမယ်။ ဒါတွေကို မမေ့မှ စိတ်ချမ်းသာမယ်။ *
>
> *(၉) ဒီနေ့ဟာ ငါ တကယ်နေရတဲ့နေ့ပဲ။ ပျော်ရွှင်မှု၊ စိတ်ချမ်းသာမှုဟာ အပြင်မှာ
> မရှိဘူး။ အတိတ်မှာ မရှိဘူး။ အနာဂတ်မှာ မရှိဘူး။ အခု ပစ္စုပ္ပာန်မှာပဲ ရှိတယ်။
> ငါ့ကိုယ်ကိုငါ ကျေနပ်နေတယ်။ ငါ့ဘ၀ကိုငါ ကျေနပ်နေတယ်။ ငါ့စိတ်ချမ်းသာမှုဟာ
> ငါ့တာဝန်ပဲဆိုတာ ငါသိတယ်။ ငါစိတ်ချမ်းသာနေမှ ငါနဲ့တွေ့ရတဲ့သူတွေကို
> စိတ်ချမ်းသာမှု ပေးနိုင်*
>
> *မယ်။ အနည်းဆုံးတော့ ငါ့အပြုံးဟာ လှိုက်လှဲတဲ့အပြုံး ဖြစ်စေရမယ်။*
>
> *(၁၀) ငါဟာ ငါ့ရဲ့ အကောင်းဆုံးမိတ်ဆွေဖြစ်နိုင်သလို အဆိုးဆုံးရန်သူလည်း
> ဖြစ်နိုင်တယ်။ သူများက ငါ့ကို နေရာမရွေး အချိန်မရွေး ဒုက္ခမပေးနိုင်ဘူး။
> ငါ့စိတ်ကိုငါ မထားတတ်ရင် အချိန်မရွေး နေရာမရွေး စိတ်ဆင်းရဲနိုင်တယ်။
> ငါ့စိတ်ကို ငါသိလို့ စိတ်ထားတတ်ရင်လည်း နေရာမရွေး အချိန်မရွေး
> စိတ်ချမ်းသာနိုင်တယ်။*
>
> *(၁၁) ဘယ်လိုသဘောထားရင် စိတ်ချမ်းသာမယ်။ ဘယ်လိုတွေးရင် စိတ်ချမ်းသာမယ်။
> ဘာလုပ်ရင် စိတ်ချမ်းသာမယ်။ ဘယ်သူနဲ့ပေါင်းရင် စိတ်ချမ်းသာမယ်ဆိုတာကို အမြဲ
> လေ့လာရမယ်။ စိတ်ချမ်းသာတဲ့သူတွေကို လေ့လာမယ်။ အဆင်ပြေနေတဲ့သူတွေကို လေ့လာမယ်။ *
>
> *(၁၂) ကိုယ့်ဘ၀ ကိုယ့်နေရာ ကိုယ့်အခြေအနေကို ဘယ်သူနဲ့မှ မလဲချင်ဘူး။
> လဲချင်နေရင် စိတ်ဆင်းရဲနေတယ်။ ငါ့ဘ၀ကို ငါ ကျေနပ်တယ်။ ဘယ်သူ့ဘ၀နဲ့မှ
> မလဲနိုင်ဘူးဆိုရင် စိတ်ချမ်းသာတယ်။ *
> *(၁၃) ကိုယ့်ကို သူများ ချီးမွမ်းတဲ့အခါ နှစ်သက်ပါတယ်။ ဒါပေမယ့် အဲဒါ
> သိပ်အရေးကြီးတယ်လို့ သဘောမထားဘူး။ ချီးမွမ်းတာခံရဖို့ မလုပ်ဘူး။ ကိုယ်
> စိတ်ဝင်စားတာ၊ ကိုယ် *
> *၀ါသနာပါတာ၊ ကိုယ်လုပ်ချင်တာကို လုပ်တယ်။ ချီးမွမ်းရင် ကျေနပ်ပါတယ်။ ဒါပေမယ့်
> ငါလုပ်တာကို ချီးမွမ်းမှာလား၊ ကဲ့ရဲ့မှာလားလို့ မတွေးဘူး။ *
>
> *(၁၄) ငွေ ဘယ်လောက်လိုချင်တယ်လို့ မတွေးတော့ဘူး။ ဒီအလုပ်လုပ်ရင်
> ငွေဘယ်လောက်ရမလဲလို့ မတွေးဘူး။ ဒီအလုပ်ကို ချစ်လို့ လုပ်တယ်။*
>
> *(၁၅) ကိုယ့်စိတ်မှာဖြစ်တဲ့ ခံစားမှုနဲ့ပတ်သတ်ပြီး ဘယ်သူ့မှာမှ တာဝန်မရှိဘူး။
> ငါ့စိတ်ကိုငါ ချမ်းသာအောင် ထားနိုင်တယ်။ ငါ့စိတ်ချမ်းသာမှုကို သူများ
> ဖျက်ဆီးလို့ မရဘူး။ ငါစိတ်မချမ်းသာရင် အဲဒါ ဘယ်သူ့မှာမှ တာဝန်မရှိဘူး။
> ငါ့စိတ်ချမ်းသာမှုဟာ ငါ့တာဝန်ပဲ။*
> * ငါဒုက္ခရောက်တာ သူတို့ကြောင့်လို့ တွေးသလား။ အဲဒီလို တွေးနေရင်
> စိတ်ဆင်းရဲနေတယ်။ စိတ်ချမ်းသာတဲ့သူ မဖြစ်သေးဘူး။ ငါ့စိတ်မှာဖြစ်တဲ့
> ခံစားမှုအတွက် ငါ့မှာပဲ တာ*
> *၀န်ရှိတယ်။ ဘယ်သူ့ကိုမှ အပြစ်တင်ဖို့မလိုဘူး။ အဲဒီလို သဘောထားကို
> ပြတ်ပြတ်သားသား ထားနိုင်တဲ့သူဟာ စိတ်ချမ်းသာတဲ့သူ။ ငါ့ကို
> စိတ်ဆင်းရဲအောင် လုပ်ကြတယ်။
> ငါ့ကို စိတ်ဆင်းရဲအောင် မလုပ်ကြနဲ့လို့ ပြောတဲ့သူဟာ စိတ်ဆင်းရဲနေတဲ့သူ။ *
>
> * *
> *စိတ်ချမ်းသာအောင်နေတတ်သူတွေမှာ ရှိတဲ့ အချင်းအရာ လက္ခဏာတွေဟာ ဘာတွေလဲ။
> စိတ်ချမ်းသာအောင် နေတတ်တဲ့သူဟာ*
> * *
>
> *Boldness: သတ္တိရှိတယ်။ ဆုံးဖြတ်ရဲတယ်။ ပြောရဲတယ်။ လုပ်ရဲတယ်။ *
>
> *Brightness: အသိဉာဏ် တောက်ပြောင်တယ်။*
>
> *Cheerfulness: ရွှင်လန်းတယ်။*
>
> *Common sense: ပင်ကိုယ်ဉာဏ်ရှိတယ်။*
>
> *Confidence: ကိုယ့်ကိုယ်ကို ကိုယ် ယုံကြည်မှုရှိတယ်။*
>
> *Control: မိမိကိုယ်ကို ထိန်းသိမ်းနိုင်တယ်။ အခြေအနေကို ထိန်းသိမ်းနိုင်တယ်။*

> *Enthusiasm: စိတ်အားထက်သန်တယ်။ တက်ကြွတယ်။*
>
> *Forgiveness: ခွင့်လွှတ်နိုင်တယ်။*
>
> *Friendliness: ခင်ခင်မင်မင် ဆက်ဆံတတ်တယ်။*
>
> *Gratitude: ကျေးဇူးသိတတ်တယ်။ တန်ဖိုးထားတတ်တယ်။ အသိအမှတ်ပြုတယ်။*
>
> *Joyousness: ကြည်လင်ရွှင်လန်းတယ်။*
>
> *Kindness: ကြင်နာတတ်၊ ညှာတာတတ်တယ်။*
>
> *Mental fitness: စိတ်ဓာတ် ကြံ့ခိုင်တယ်။*
>
> *Optimist: အကောင်းမြင်တယ်။ အဖြစ်ကိုမြင်တယ်။ အပြုသဘောရှိတယ်။*
>
> *Patience: စိတ်ရှည်တယ်။ စောင့်ထိန်းနိုင်တယ်။*
>
> *Peacefulness: စိတ်ငြိမ်းချမ်းတယ်။*
>
> *Power: စိတ်စွမ်းအားကြီးတယ်။*
>
> *Productiveness: အလုပ်များများလုပ်နိုင်တယ်။*
>
> *Wisdom: ဉာဏ်ပညာရှိတယ်။*
>
> * ဒီအရည်အချင်းတွေ ဒီဂုဏ်တွေကြောင့် စိတ်ချမ်းသာတဲ့သူဟာ အခက်အခဲတွေကို
> ရင်ဆိုင် ကျော်လွှားနိုင်တယ်။ အခက်အခဲကို ရင်ဆိုင် ဖြေရှင်းရတာကို သဘောကျတယ်။*

မ္မေတာဘ၀နာ

စာပေမှာဖော်ပြတဲ့ မေတ္တာ၏အကျိုးကျေးဇူးများမှာ အောက်ပါအတိုင်းဖြစ်တယ်…
(၁) ချမ်းချမ်းသာသာ အိပ်ပျော်ရတယ်။
(၂) ကိုယ်မှာ ဖောက်ပြန်မှုမရှိဘဲ ချမ်းချမ်းသာသာ အိပ်ရာက နိုးရတယ်။
(၃) အိပ်မက်ကောင်းတွေကိုပဲ မြင်မက်နိုင်ပြီး ယုတ်ညံ့ရွံ့မုန်း ကြောက်လန့်ဖွယ် အိပ်မက်များ
မမက်ရဘူး။
(၄) လူအပေါင်းက ချစ်ခင်မြတ်နိုးတယ်။
(၅) မမြင်ရတဲ့ နတ်များကလည်း ချစ်ခင်ကြတယ်။
(၆) မိဘက သားသမီးကို စောင့်ရှောက်သလို နတ်များကလည်း မေတ္တာပွားသူကို
စောင့်ရှောက်ကြတယ်။
(၇) မေတ္တာဘာဝနာပွားတဲ့သူကို မီး၊ အဆိပ်၊ လက်နက်တွေရဲ့ ဘေးရန် မကျရောက်ဘူး။
(၈) မေတ္တာဘာဝနာနှင့်နေလေ့ရှိတဲ့ပုဂ္ဂိုလ်ဟာ စိတ်တည်ကြည်လွယ်ပြီး
သမာဓိဖြစ်လွယ်တယ်။
(၉) မျက်နှာ အမြဲပဲ ကြည်ကြည်လင်လင်ရှိတယ်။
(၁၀) အိပ်ပျော်သွားသလိုပဲ မတွေမဝေ မပင်မပန်း သေလွန်ရတယ်။
(၁၁) နိဗ္ဗာန်ကို မရသေးသော်လည်း ယခုလူ့ဘ၀စုတေပြီးနောက် အိပ်ပျော်ရာမှနိုးလာသလိုပဲ
ဗြဟ္မာ့ပြည်မှာ ဖြစ်ရတယ်။

မေတ္တာဘာဝနာပွားပြီးနေတဲ့သူဟာ အသက်ရှင်နေဆဲဘ၀မှာ လူချစ်တယ်၊ နတ်ချစ်တယ်၊ ကြံတိုင်းအောင်ပြီး ဆောင်တိုင်းမြောက်တယ်။ ဒါ့ကြောင့် မေတ္တာကမ္မဋ္ဌာန်းက ဘ၀မှာ နေဖို့ရော၊ သေဖို့ကိုပါ အားကိုးနိုင်လောက်တဲ့ ကမ္မဋ္ဌာန်းဖြစ်ပါတယ်။
မေတ္တာပွားပြီးနေတဲ့ပုဂ္ဂိုလ်တစ်ဦးဟာ ပတ်ဝန်းကျင်လောကတစ်ခုလုံးမှာရှိတဲ့ မြင်ရမမြင်ရသတ္တ၀ါအားလုံးရဲ့အကျိုးကို သယ်ပိုးဆောင်ရွက်နေသူလည်းဖြစ်တယ်။ သူ့ပတ်ဝန်းကျင်တစ်ခုလုံး ငြိမ်းချမ်းတယ်၊ အေးမြတယ်၊ နတ်များလည်း အချင်းချင်း ချစ်ခင်ကြတယ်ဆိုတဲ့ သာဓကတွေ အများကြီးရှိတယ်၊ ယုံယုံကြည်ကြည် ကြိုးကြိုးစားစား အားထုတ်ကြပါ။
နိုင်ငံခြားသွားပြီး အလုပ်လုပ်တဲ့သူတွေ ဘေးရန်ကင်းဖို့၊ အစိုးရဌာနတွေမှာ ကုမ္ပဏီတွေမှာ ရာထူးရဖို့၊ အထက်လူကြီးရဲ့ချစ်ခင်မျက်နှာသာပေးမှုရလာဖို့ဆိုပြီး အဆောင်တွေလက်ဖွဲ့တွေလုပ်ကြတာထက် မိမိရဲ့မေတ္တာဘာဝနာစွမ်းအားကိုသာ တင်းတင်းရင်းရင်း ၀ီရိယစိုက်ပြီး ကြိုးစားအားထုတ်လိုက်ကြပါ။ ရန်လည်းလုံ၊ လူလည်းချစ်၊ နတ်လည်းချစ်၊ စိတ်အကြံလည်း ပြီးမြောက်အောင်မြင်လို့ ပီယသိဒ္ဓိအောင်နေသူလို့ကို ဘေးက ထင်ရလာပါလိမ့်မယ်။ ဒီ့ထက်ကောင်းမွန်တဲ့ ယတြာလက်ဖွဲ့မရှိပါဘူး။

မေတ္တာကမ္မဋ္ဌာန်း လက်တွေ့ရှုပွားနည်း

တစ်ဖက်သားကို ချမ်းသာစေလိုတဲ့စိတ်တွေ၊ ကောင်းစားစေလိုတဲ့စိတ်တွေ၊ ဘေးရန်ကင်းစေလိုတဲ့စိတ်တွေ အကြိမ်ကြိမ် အထပ်ထပ် အဖန်ဖန် ဖြစ်စေတာကို မေတ္တာဘာဝနာလို့ ဆိုနိုင်ပါတယ်။
အဲဒီလိုစိတ်တွေပွားအောင် များအောင် အကြိမ်ကြိမ်အဖန်ဖန် ပြုလုပ်နေတာကိုတော့ မေတ္တာဘာဝနာပွားတယ်လို့ ဆိုနိုင်ပါတယ်။

စိတ်ရဲ့အပေါ်ယံပိုင်းကနေ ပွားနေရုံမျှ မဖြစ်စေဘဲ မိမိစိတ်ရဲ့ အတွင်းပိုင်း၊ အနက်ရှိုင်းဆုံးကနေ မေတ္တာပွားရင် မေတ္တာအင်အား စူးရှထက်မြက်လာမှာဖြစ်တယ်၊ နှုတ်ကနေ သာမာန်ရွတ်ဆိုရုံမျှနဲ့ မေတ္တာဘာဝနာ ပွားတယ် မမည်သေးပါဘူး။

ပါဠိ ဝေါဟာရအနေနဲ့ ပွားများမယ်ဆိုရင်တော့..
“အဝေရာ ဟောန္တု
အဗျာပဇ္ဇာ ဟောန္တု
အနီဃာ ဟောန္တု
သုခီအတ္တာနံ ပရိဟရန္တုလို့ အကြိမ် ရာထောင်မက နှလုံးသွင်း ပွားများနေရပါမယ်။

မေတ္တာကမ္မဋ္ဌာန်းရှုပွားမည့်သူဟာ မေတ္တာရဲ့အင်အား မေတ္တာရဲ့စွမ်းအင်ကို သံသယမရှိ ယုံကြည့်ဖို့က အရင်းခံ ပဓာနကျပါတယ်။ မေတ္တာကမ္မဋ္ဌာန်း ရှုပွားရာမှာ ဝေါဟာရစကားလုံးရဲ့အနက် ပေါ်လွင်ထင်ရှားမှုကလည်း အရေးပါတယ်။ ဒါ့ကြောင့် အတိုဆုံးနှင့် အနက်ထိမိပြီး အဓိပ္ပာယ်လည်း ကျယ်ပြန့်တဲ့ မြန်မာဝေါဟာရကတော့ “ကျန်းမာပါစေ၊ ချမ်းသာပါစေ”လို့ပဲ သုံးနှုန်းပြီး မေတ္တာဘာဝနာ ပွားနိုင်ပါတယ်။

ကြိုတင်သိထားရမယ့် အချက်တွေကတော့..
၁။ မေတ္တာရဲ့အင်အားစွမ်းအင်ကို ယုံကြည်ဖို့ ကြိုတင်လေ့လာဆည်းပူးထားရမယ့်အပြင်
၂။ မေတ္တာခံယူမယ့် သက်တော်ထင်ရှားပြီး မိမိအပေါ် အကျိုးကျေးဇူးကြီးမားတဲ့ လူပုဂ္ဂိုလ်၊
ရဟန်းပုဂ္ဂိုလ် (၅)ဦးခန့်ကို ဦးစွာရွေးချယ်ထားပြီး ဖြစ်ရပါမယ်။
၃။ မေတ္တာကို အရပ်မျက်နှာများနှင့် လူပုဂ္ဂိုလ်များကို ပို့လွှတ်တဲ့အခါမှာ မိမိပို့လွှတ်ရာကို
မေတ္တာလှိုင်းများ ရောက်နိုင်တယ်လို့လည်း ကြိုတင်သိထားရမယ်။
နောက်ပိုင်း မေတ္တာဘာဝနာပွားတာ အလေ့အကျင့်အားကောင်းသွားတဲ့အခါမှာတော့ မေတ္တာလှိုင်းတွေ မိမိခန္ဓာကိုယ်က ဖြာထွက်ပြီး ပို့တဲ့ဆီကို ရောက်တယ်လို့ ကိုယ်တိုင် သဘောကျနိုင်ပါတယ်။
၎။ ဒါပေမယ့် မေတ္တာပွားတဲ့နေရာမှာ ကိုယ်ကျိုးစီးပွားရလိုမှု လုံးလုံးကို မပါသင့်ပါဘူး။
မေတ္တာခံယူသူအတွက် ချမ်းသာစေလိုတဲ့စိတ်၊ ကောင်းစားစေလိုတဲ့စိတ်သာ ရှိနေရပါမယ်။
၅။ “သြဓိသမေတ္တာ” ပုဂ္ဂိုလ်ရည်ညွှန်းပြီး ပို့တဲ့အခါမှာတော့ မေတ္တာခံယူမည့်ပုဂ္ဂိုလ် မိမိရှေ့မှာ
မျက်နှာချင်းဆိုင် ထိုင်နေတယ်လို့ကို စိတ်ညွတ်ပြီး အဲဒီပုဂ္ဂိုလ် မျက်နှာသဏ္ဍာန်ကို စိတ်ထဲ ပုံဖော်မြင်အောင်ကြည့်ပြီး ရာထောင်မက မေတ္တာပွားရပါတယ်။
၆။ မေတ္တာကမ္မဋ္ဌာန်းမပွားခင် ဦးစွာ ဘုရားရှိခိုးတာ သီလခံယူဆောက်တည်တာ စတဲ့ ပုဗ္ဗကိစ္စ
ကြိုတင်ပြင်ဆင်မှုများကိုတော့ ဆောင်ရွက်မြဲအတိုင်း ဆောင်ရွက်နိုင်ပါတယ်။
၇။ အစပိုင်း လေ့ကျင့်ခါစမှာတော့ တစ်ကြိမ်ကို မိနစ်၃၀စီ သတ်မှတ်ပြီး အကြိမ်များများကို
ထိုင်တဲ့ ဣရိယာပုထ်နှင့်သာ ပွားသင့်ပါတယ်။ နေရာကျပြီဆိုရင်တော့ နောက်ပိုင်း သိပ်ကို လွယ်ကူပါတယ်။ မေတ္တာပွားပြီးနေရတာ သက်သာတယ်၊ ပေါ့ပါးတယ်၊ ငြိမ်းချမ်းတယ်၊ ဒီလိုအတွေ့အကြုံရှိလာတဲ့ ယောဂီပုဂ္ဂိုလ်ဟာ မေတ္တာကမ္မဋ္ဌာန်းကို မပွားဘဲ မနေနိုင်တော့ပါဘူး။ အလိုလိုပဲ စိတ်က မေတ္တာကမ္မဋ္ဌာန်း ပွားပြီးသားဖြစ်နေတတ်ပါတယ်။
၈။ လျောင်း၊ ထိုင်၊ ရပ်၊ သွားဆိုတဲ့ ဣရိယာပုထ် ၄မျိုးထဲမှ အလျဉ်းသင့်သလို တစ်မျိုးမျိုးနဲ့ ပို့နိုင် ပွားနိုင်ပါတယ်။ လေးလေးနက်နက်ဖြစ်ဖို့ရာအတွက်သာ ထိုင်တဲ့ဣရိယာပုထ်ကို ညွှန်ပြတာပါ။ (တိဌံစရံနိ သိန္နောဝ သယာနော- မေတ္တာသုတ်)
၉။ သေပြီးသူကို အာရုံပြုပြီး မေတ္တာမပွားရဘူး။ သေပြီးသူဟာ မေတ္တာအာရုံယူဖို့
မဖြစ်နိုင်တော့တာမို့ သေပြီးသူကို အာရုံပြုပြီး မေတ္တာမပွားရပါဘူး။
(အမျှဝေလိုက ဝေဖို့ပဲရှိပါတယ်)
၁၀။ ရှေးဦးစွာ မေတ္တာအာရုံနိမိတ်ယူပြီး မပွားရတဲ့ပုဂ္ဂိုလ်၎မျိုးကတော့
(၁) မုန်းသူ
(၂) အလွန်ချစ်သူ
(၃) မချစ်မမုန်းသူနှင့်
(၄) ရန်သူတို့ ဖြစ်တယ်။
အကြောင်းမှာ- မုန်းနေတဲ့သူ၊ ရန်သူတွေကို ချမ်းသာကောင်းစားစေလိုတဲ့စိတ်ဖြစ်ဖို့ ခက်တဲ့အပြင် ဦးစွာ မေတ္တာပို့မိရင် မေတ္တာရဲ့ဆန့်ကျင်ဘက် ဒေါသ၊ အာဃာတတို့သာ ဖြစ်နိုင်ပါတယ်။ ဒါ့ကြောင့် ဒီသူ၂ဦးကို ဦးစွာ မေတ္တာမပွားရပါဘူး။
အလွန်ချစ်ခင်တဲ့သူ အပေါ်မှာလည်း တဏှာပေမစိတ် ရင့်သန်ကြီးထွားနေလို့ မေတ္တာစိတ် မဖြစ်နိုင်ပြန်ဘူး။
အလယ်အလတ် မချစ်မမုန်းသူရဲ့အကျိုးစီးပွားကို လိုလားတဲ့မေတ္တာစိတ်ဖြစ်ဖို့လည်း ခက်ခဲပြန်ပါတယ်။
ဒါ့ကြောင့် ဒီပုဂ္ဂိုလ်မျိုးတွေကို ဦးစွာ မေတ္တာမပွားရပါဘူး။ မေတ္တာစိတ်အစစ်အမှန်ဖြစ်ပြီးတဲ့အခါမှာပဲ သူတို့ကို မေတ္တာပွားရပါမယ်။
၁၁။ ဆန့်ကျင်ဘက်လိင်(ယောက်ျားက မိန်းမကို၊ မိန်းမက ယောက်ျားကို) မေတ္တာပွားမယ်ဆိုရင်လည်း မေတ္တာစိတ်မဖြစ်ဘဲ ရာဂစိတ်ရိုင်းတွေဖြစ်လာနိုင်တဲ့အတွက် သတိပြုရပါမယ်။ သို့သော် အမျိုးသမီးများအနေနှင့် သက်တော်ထင်ရှား ကျေးဇူးရှင်ဆရာတော်ကြီးများကို မေတ္တာအာရုံထားပြီး ဘာဝနာပွားတဲ့အခါ မူမမှန်တဲ့စိတ်ရိုင်းများ မဖြစ်လာရင်တော့ မေတ္တာပွားနိုင်ပါတယ်။

မေတ္တာကမ္မဋ္ဌာန်းစတင်ပွားများခြင်း(သီးသန့်ကျင့်ခြင်း)

မိမိကိုယ်ကိုပဲ မေတ္တာစတင်ပွားပို့ရပါမယ်၊ “ကျန်းမာပါစေ၊ ချမ်းသာပါစေ”လို့ အကြိမ် ရာထောင်မက မိမိကိုယ်ကို ဦးစွာ မေတ္တာပွားပါ။ မိမိကိုယ်ကို မေတ္တာပွားရတာ အားရကျေနပ်ထားရင် သူတစ်ပါးကို မေတ္တာပွားရတာ လွယ်ကူပါလိမ့်မယ်။ ဘာကြောင့်လဲဆိုရင် အရပ်များကို စိတ်ဖြင့် လှည့်လည်ရှာသော်လည်း မိမိကိုယ်ထက်သာပြီး ချစ်ခင်မြတ်နိုးသူကို မတွေ့နိုင်ဘူးလို့ ဘုရားရှင် မိန့်တော်မူထားပါတယ်။ ဒါ့ကြောင့် မိမိကိုယ်ကို သက်သေပြုပြီး မေတ္တာပို့တာဟာ မေတ္တာကမ္မဋ္ဌာန်းမှာ အသင့်တော်ဆုံးဖြစ်ပါတယ်။
ပြီးမှ သက်တော်ထင်ရှားရှိပြီး မေတ္တာစတင်မပွားရမည့် ပုဂ္ဂိုလ်က လွတ်ကင်းပြီး မိမိအပေါ် ကျေးဇူးကြီးမားတဲ့ ဆရာသမား မိဘဘိုးဘွားတွေထဲက (၅)ဦးခန့်ကို ကြိုတင်ရွေးချယ်ထားရမယ်။ မိမိကိုယ်ကို မေတ္တာပို့ပြီးနောက် ရွေးချယ်ထားတဲ့ မေတ္တာခံယူမည့်ပုဂ္ဂိုလ်ကို မိမိအနား မျက်နှာချင်းဆိုင်ထိုင်နေသလို စိတ်ဝယ်မှတ်ပြီး “ကျန်းမာပါစေ၊ ချမ်းသာပါစေ၊ ကျန်းမာပါစေ၊ ချမ်းပါစေ”လို့ အကြိမ်ကြိမ် မေတ္တာပွားရပါမယ်။
မေတ္တာခံယူမည့်ပုဂ္ဂိုလ်တစ်ဦးအပေါ် ကျေနပ်ပြီးမှ နောက်တစ်ဦးကို ပြောင်းရမယ်၊ အကယ်၍ မေတ္တာပွားရတာ အခက်အခဲရှိလာရင်တော့ မိမိကိုယ်ကိုပဲ မေတ္တာပြန်ပွားပါ၊ ပြီးမှ မေတ္တာခံယူမည့်ပုဂ္ဂိုလ်ကို ပြောင်းယူပါ။
တခါတရံ အချို့ပုဂ္ဂိုလ်ကို မေတ္တာပွားရတာ လွယ်ကူပြီး မျက်နှာပုံပန်းသဏ္ဍာန် ကွက်ကွက်ကွင်းကွင်း ပြုံးပြုံးရွှင်ရွှင် မြင်လာတတ်သော်လည်း အချို့ပုဂ္ဂိုလ်တွေမှာကျတော့ အခက်အခဲရှိနေတာလည်း ကြုံရတတ်တယ်။ အဲဒီအခါကျရင် လွယ်ကူတဲ့ မေတ္တာအာရုံခံပုဂ္ဂိုလ်တွေကို ဦးစားပေး ပွားရပါမယ်။
မေတ္တာစိတ် ညီညွှတ်မျှတနေပြီဆိုရင်တော့ ရန်သူ၊ မုန်းတဲ့သူ၊ အလွန်ချစ်တဲ့သူတွေကိုလည်း ပွားနိုင်ပါပြီ။
မိမိစိတ်ကို မိမိကြည်ညိုဖူးမလားတော့မသိဘူး။ မေတ္တာခံယူမည့်ပုဂ္ဂိုလ်တစ်ဦးကို စူးစိုက်ပြီးတော့ ကျန်းမာပါစေ၊ ချမ်းသာပါစေ၊ ကျန်းမာပါစေလို့ ကြိမ်ဖန်များစွာ မေတ္တာပို့နေရင် မိမိစိတ်ထဲမှာ တခြားအာရုံတွေ၊ တခြားစိတ်ကူးတွေ ဘာမှပေါ်မလာတော့ဘူး၊ အဲဒီမေတ္တာခံပုဂ္ဂိုလ်အပေါ်မှာသာ စိတ်က စုပြုံစူးစိုက် နစ်နေတယ်၊ အဲဒီအချိန်မှာ လိုချင်တပ်မက်တဲ့စိတ်၊ စိတ်ပျက်စိတ်ဆိုး စိတ်အလိုမကျတဲ့စိတ်၊ အိပ်ချင်ငိုက်မြည်း ပျင်းရိတဲ့စိတ်၊ စိတ်ပူပန်ပျံ့လွင့်တဲ့စိတ်၊ ကြောင့်ကြတဲ့စိတ်နှင့် ရတနာသုံးပါးအပေါ် သို့လောသို့လော မပြတ်သားတဲ့စိတ်ဆိုတဲ့ တားဆီးပိတ်ပင်တတ်တဲ့ နိဝရဏတရားငါးပါး ကင်းကွားနေတတ်တယ်။ မေတ္တာအင်အား ကောင်းသထက်ကောင်းအောင် လေ့ကျင့်လာရင် မေတ္တာခံပုဂ္ဂိုလ်နဲ့ မိမိဟာ ပြုံးရွှင်ကြည်လင်တဲ့သွင်ပြင်နဲ့ မျက်နှာချင်းဆိုင် ထိုင်နေသလိုပဲ စက္ကန့်ပိုင်း မိနစ်ပိုင်းကြာတဲ့ထိ အသိစိတ်ထဲ စွဲမြဲသက်ဝင် တည်နေနိုင်ပါလိမ့်မယ်။
တခြား ဘာအာရုံခံမှ မရှိဘဲ မေတ္တာခံယူမည့်ပုဂ္ဂိုလ်ကို ပကတိ ကျန်းမာစေလိုတဲ့စိတ် ပျော်ရွှင်ချမ်းသာ ပြည့်စုံစေလိုတဲ့စိတ်တွေ အလိုလိုဖြစ်နေတာဟာ တမင်တကာစိတ်ကူးကြံဆပြီး ဖြစ်နေတဲ့ စိတ်အဆင့်မျိုး မဟုတ်တော့ဘူး။
ဝီရိယသန်သန် တိုး၍ ကြိုးစားလေ့ကျင့်ပွားများတဲ့ ယောဂီများဟာ မိနစ်ပိုင်းမှ နာရီပိုင်းထိ ကြည်လင်ချမ်းမြေ့တဲ့ မေတ္တာစိတ်နဲ့ နေနိုင်လာပါတယ်။ အိပ်ငိုက်တာမဟုတ်ဘူး၊ စိတ်က ကြည်လင်သန့်စင်နေတယ်။
မိမိရည်မှန်းထားတဲ့ အချိန်နာရီးကာလတလျှောက်လုံး ဘာစိတ်မှမရှိဘူး၊ မေတ္တာစိတ်မျှပဲ ရှိတော့တယ်။
မေတ္တာစိတ်မျှပဲ ရှိနေတာ အချိန်ကြာလာရင်တော့ တခါတရံ ငါ့မှာ ဘာစိတ်တွေ ဖြစ်နေပါလိမ့်မလဲလို့လည်း တစ်ချက်တစ်ချက် စစ်ဆေးမိရက်သားဖြစ်နေတယ်။ ဒီလို (၀ိတက်)၀င်လာခိုက်တော့ မေတ္တာစိတ်အစဉ် ခဏပျက်တယ်၊ ဒါပေမယ့် ပြန်ပြီး ထူထောင်ရတာ ဘာမှ မပင်ပန်းဘူး၊ ကြောင့်ကြစိုက်ရတယ်လို့တောင် ပြောလို့မရဘူး။
အဲဒီလို အချိန်တွေ တော်တော်ကြာသွားပြီး မေတ္တာစိတ်မှအပ ကျန်တဲ့စိတ်တွေ မဖြစ်တောကို သိရလို့လည်း ယောဂီသဘောကျမိတတ်တယ်။ အဲဒီအခါမှာတော့ မိမိစိတ်ကိုမိမိ လှိုက်လှိုက်လှဲလှဲ ကြည်ညိုတယ်ဆိုတဲ့သဘောကို ယောဂီကိုယ်တိုင် သဘောကျနိုင်ပါပြီ။
လူပုဂ္ဂိုလ်များကို ကျေပွန်အောင် မေတ္တာပွားပြီးပြီဆိုရင်တော့ ဦးစွာ
မိမိထိုင်နေတဲ့ အခန်းရဲ့ မျက်နှာအားလုံးကို မေတ္တာပွားရပါမယ်။

- မိမိထိုင်ရာမှ အရှေ့ကနေပြီး မေတ္တာ စ,ပွားတာ လွယ်ကူပါတယ်။ ဒါကို အထပ်ထပ်ပွားလို့ ကျေပွန်ရင်

- အိမ်ဝန်းရဲ့အရပ်မျက်နှာအားလုံးကို မေတ္တာပွားရပါမယ်။

- ပြီးရင် ရပ်ကွက်ကျေးရွာနယ်နိမိတ်ထိ မေတ္တာပွားရပါမယ်။

- အဲဒီနောက် မြို့နယ်၊ ခရိုင်၊ တိုင်းနယ်၊ ပြည်နယ်၊ နိုင်ငံနယ်နိမိတ်အထိ အရပ်မျက်နှာအားလုံးကို မေတ္တာပွားရပါမယ်။

- ဆက်ပြီးတော့ ကမ္ဘာကနေ အနန္တစကြ၀ဠာထိအောင် စိတ်ကို မြှင့်မြှင့်ပြီးတော့ ချဲ့ချဲ့ပြီးတော့ အရပ်မျက်နှာအားလုံးကို မေတ္တာပွားရမယ်။

- အလေ့အကျင့်ရလာတဲ့အခါမှာတော့ အရပ်မျက်နှာဘောင်တွေ မရှိတော့ဘဲ စက်ဝန်းကြီးအတိုင်း မေတ္တာလှိုင်းများ ချဲ့ချဲ့ပြီး သွားနေတယ်လို့ ခံစားရတတ်ပါတယ်။

- အဲဒီအ၀န်းက ရံခါ လင်းနေတယ်၊ ရံခါ ဖွေးနေတယ်လို့လည်း ထင်ရတတ်ပါတယ်။ မိမိကိုယ်ကနေ မေတ္တာလှိုင်းများ ပို့တဲ့ဆီကို အမှန်တကယ် ရောက်နေပြီလို့လည်း ခံစားရတတ်ပါတယ်။

- အထူးသတိပြုဖို့လိုတာကတော့ မိမိရဲ့မေတ္တာကြောင့် ရန်သူငုပ်လျှိုးပြိုလဲစေရမယ်၊ ရန်သူ ဒုက္ခရောက်ရမယ်၊ ငါ့မေတ္တာစူးရင် သင်ရူးပြီလို့ မတွေးမကြံရဘူး၊ မရည်ရွယ်ရဘူး၊ ဒီလိုစိတ်သဘောထားနှင့် မေတ္တာပို့ရင်တော့ မေတ္တာမဖြစ်နိုင်တော့ပါဘူး၊ ဆန့်ကျင်ဘက် ဒေါသအာဃာတ ရန်ငြိုးတွေသာ ဖြစ်ဖွယ်ရှိတယ်။ ပို့တဲ့သူဆီကို မေတ္တာရောက်မှာ မဟုတ်တော့တဲ့ပြင် မိမိမှာပဲ ပူလောင်ပင်ပန်းစေတဲ့ အကုသိုလ် ကိလေသာစိတ်တွေဖြစ်ပြီး ပင်ပန်းဖွယ်ပဲရှိပါတယ်။ မေတ္တာရဲ့ငြိမ်းအေးချမ်းသာမှုနဲ့တော့ ဆန့်ကျင်ဘက်ပါပဲ။

နေ့စဉ်ဘ၀ထဲ၌ လုပ်ရင်းကိုင်ရင်း ပွားများခြင်း

မေတ္တာဘာဝနာပွားတာ ဦးစွာ မနော(စိတ်)ကနေ ပွားနေခြင်းဖြစ်ပါတယ်။ အလေ့အကျင့်ရလာတဲ့အခါကျတော့ နေ့စဉ်ဘ၀ထဲကို မေတ္တာရောက်ရှိနေပါပြီ။ ဒီလိုရောက်လာဖို့ အထောက်အကူဖြစ်နိုင်ဖို့နည်းလမ်းကတော့ လူတစ်ယောက်ကို တွေ့ရင် မိမိက ဦးစွာ မေတ္တာပို့ပါ။ တစ်နေရာရာသွားရင် မေတ္တာပို့ပြီးမှ သွားတဲ့ အလေ့အကျင့်လုပ်ပါ။ အိပ်ရာဝင်ရင်လည်း အိပ်မပျော်မချင်း မေတ္တာပို့နေပါ။ မေတ္တာပို့ရင်းပဲ အိပ်ပျော်ပါစေ၊ နိုးလာရင်းလည်း မေတ္တာစိတ်နှင့်ပဲ နိုးနိုင်ဖို့ လေ့ကျင့်ပေးပါ။ စားသောက်တဲ့အခါလည်း ချက်ပြုတ်ပြင်ဆင်သူများကို မေတ္တာပွားပြီးမှစားပါ၊ တစ်ယောက်ယောက်ကို သတိရရင်လည်း မေတ္တာအရင်ပွားပါအုံး။
ဒီလိုနဲ့ အလေ့အကျင့် အားကောင်းလာတဲ့အခါမှာတော့ မိမိတမင်တကာ မေတ္တာစိတ်ဖြစ်အောင် လုပ်စရာမလိုဘဲ အလိုလိုပဲ မေတ္တာစိတ်ဖြစ်နေတာ သတိထားမိပါလိမ့်မယ်။ စိတ်ထဲ သူ့အလိုလိုပဲ ကျေးဇူးတင်စိတ်တွေ ဖြစ်လာတတ်တယ်။ ဆင်းရဲဒုက္ခရောက်သူကို တွေ့ရင်လည်း လှိုက်လှိုက်လှဲလှဲ သနားကရုဏာစိတ်တွေ ရင်ထဲ အလိုလိုပဲ ဖြစ်လာတတ်တယ်။

မေတ္တာရဲ့ ကျေးဇူးနှင့် သာဓကကို ဖော်ပြရင်တော့ အများကြီးပါပဲ..။
မြတ်စွာဘုရားရှင်က လက်တစ်ဖျစ်တီးကာလမျှ မေတ္တာစိတ်ကို ပွားများဖြန့်ဖြူးပို့သ မှီဝဲနေတဲ့ ရဟန်းကို ဈာန်မှ မဆိတ်သုဉ်းသောရဟန်း၊ ပြည်သူ့ဆွမ်းကို အကျိုးရှိအောင် ဘုဉ်းပေးသုံးဆောင်သောရဟန်းဆိုပြီး အထူးချီးမွမ်းတော်မူပါတယ်။
ထင်ရှားတဲ့သာဓကအနေနှင့်တော့ ဓမ္မစင်္ကြာဒေသနာဦးကို မဟောကြားခင် ပဉ္စ၀ဂ္ဂီငါးပါးနှင့် ဘုရားရှင်ရဲ့မေတ္တာတော်ဟာ အံ့ဖွယ်မှတ်သားစရာပါပဲ။
“မြတ်စွာဘုရားရှင်သည် ထိုပဉ္စ၀ဂ္ဂီငါးဦးတို့၏ စိတ်ထားကို သိမြင်တော်မူလေလျှင် အလုံးစုံသော သတ္တ၀ါတို့အပေါ်၌ မည်သည့်သတ္တ၀ါအတွက်ဟု ရည်မှတ်ပိုင်းခြားမှု မထားသောအားဖြင့် သိမ်းကျုံးဖြန့်လွှမ်းထားနိုင်သော မေတ္တာစိတ်ဓာတ်တော်ကို အကျဉ်းချုံး ရုံးစု၍ သီးသန့်ပိုင်းခြား သတ်မှတ်သောအားဖြင့် ပဉ္စ၀ဂ္ဂီငါးဦးတို့အပေါ်၌သာလျှင် မေတ္တာဖြန့်ပို့တော်မူ၏။ ဘုရားရှင်မေတ္တာဓာတ် ထိခိုက်ခြင်းကြောင့် ထိုပဉ္စ၀ဂ္ဂီတို့သည် ဘုရားရှင်ကြွလာတော်မူလျှင် (သိဒ္ဓတ္ထလာလျှင် ခရီးဦးအကြိုမပြုတော့ဘူးဟူသော)မိမိတို့ မူလကတိအတိုင်း မရပ်တည်နိုင်ကြတော့ဘဲ ရှိခိုးခြင်း၊ ခရီးဦးကြိုဆိုခြင်းစသော အမှုကိစ္စအားလုံးကို ပြုမိကြလေပြီ” ဒါက မေတ္တာရဲ့သာဓကပါပဲ။
နောက်သာဓကတစ်ခုကလည်း မြတ်စွာဘုရားဟာ စင်္ကြာဝဠာအနန္တတို့အပေါ်၌ ဖြန့်လွှမ်းပို့နိုင်တဲ့ မေတ္တာစိတ်ဓာတ်ကို နာဠာဂီရိဆင်တစ်ကောင်တည်းအပေါ်မှာသာ စုပြုံဖြန့်လွှမ်းတော်မူပါတယ်။ နာဠာဂီရိဆင်ဟာ ဘုရားရှင်၏မေတ္တာစိတ်ကို ထိခိုက်နေပြီဖြစ်လို့ ဘေးရန်ကင်းစွာ ဘုရားရှင်ရဲ့ခြေတော်အစုံမှာ ခိုလှုံတုပ်ဝပ်ပါတော့တယ်။
မေတ္တာကမ္မဋ္ဌာန်းအားထုတ်မည့်သူ သတိထားရမည့် အရေးအကြီးဆုံးအချက်ကတော့.. မေတ္တာစွမ်းအားဟာ ရှေးအခါကသာ စွမ်းတယ်၊ ယခု မစွမ်းတော့ဘူးလို့ မမှတ်ယူရဘူး၊ တရားတို့မည်သည် ပုဂ္ဂိုလ်သတ္တ၀ါ၊ အချိန်ကာလ၊ နေရပ်ဒေသဟူ၍ မရှိကောင်းပါဘူး။ အရင်လည်း စွမ်းတယ်၊ ခုလည်း စွမ်းတယ်၊ နောင်လည်း စွမ်းပါတယ်။ ဘုရားရှင်ဟောတော်မူတဲ့ တရားတော်မှန်သမျှဟာ.. တကယ်ကျင့်ကြံရင် တကယ့်ကိုပဲ အစွမ်းထက်လှပါတယ်။ ကျင့်ကြံအားထုတ်နေသူတွေ ရှိသရွေ့လည်း သာသနာဟာ မကွယ်ပျောက်ပါဘူး။ ဒါကို သေသေချာချာသိပြီး လေးလေးနက်နက် ယုံကြည်ထားမှ ထိထိရောက်ရောက်လုပ်ဖြစ်မှာပါ။ နောက်ပြီး မေတ္တာပွားများတဲ့ကံဟာလည်း ဘ၀သံသရာမှာ အလွန်ကြီးကိုပဲ အကျိုးပေးသန်လှပါတယ်ဆိုတာကို အထက်မှာ ရှင်းပြခဲ့ပြီးပါပြီနော်..။

အရှင်ခေမာနန္ဒ(မဟာမြိုင်တောရ) မေတ္တာကမ္မဋ္ဌာန်းလက်တွေ့ရှုပွားနည်းစာအုပ်မှ ကူးယူဖော်ပြပါသည်။

ဤစာကို ဖတ်ရှုရသောသူအပေါင်း မေတ္တာ၏အေးချမ်းမှုများဖြင့် ပြည့်စုံကြပါစေ…

ဤကောင်းမှုကုသိုလ်ကြောင့် နိမ့်သောကံမြင့်၊ ပိတ်သောဉာဏ်ပွင့်၍ မဂ်ဖိုလ်နိဗ္ဗာန်ကိုမျက်မှောက်ပြုသည့်တိုင်အောင် အကြောင်းအထောက်ပံ့ကောင်းဖြစ်ရပါစေ။

သူတော်မွန်
မေတ္တာ၏အကျိုးကျေးဇူးများ

နှလုံးသားမှာဘုရားတည်

ဆရာတော် အရှင်ဇ၀န(မေတ္တာရှင်)ရဲ့ အလှူမှတ်တမ်းတွေ ဖတ်ကြည့်မိပြီး စိတ်ထဲမှာ ၀မ်းသာပီတိ ဖြစ်မိပါတယ်။ ဒီလိုအလှူမျိုးမှ ပါရမီမထိုက်ရင် ဘယ်အလှူကို ပါရမီထိုက်တယ်လို့ ခေါ်ပါ့မလဲနော်။ တကယ် လိုအပ်တဲ့နေရာ.. တကယ် လိုအပ်နေတဲ့လူတွေ.. အလှူ့ရှင်ကို ရင်ထဲကနေ လှိုက်လှိုက်လှဲလှဲ ကျေးဇူးတင်ကြမယ့် သူတွေကို လှူရတာဟာ အင်မတန် ကြည်နူးပီတိ ဖြစ်ရပါတယ်။ ကိုယ်လှူလိုက်တဲ့ ပစ္စည်းတွေကို သုံးဆောင်ပြီး သူတို့ရဲ့အသက်ကို ဆက်နေကြတာဆိုတော့.. ဒီလို အလှူမျိုးဟာ သူတစ်ပါးရဲ့ အသက်ကို ကယ်နေတယ် ဆိုရင်လည်း မမှားပါဘူးနော်။ သူတို့ အသက်ရှင်နေသမျှ ကာလပါတ်လုံး သူတို့တွေ လုပ်ချင်နေတဲ့ ကုသိုလ်တရားတွေ ဆက်လက် လုပ်ဆောင်နိုင်အောင်.. သူတို့တွေရဲ့ ရင်ထဲမှာ သီလ၊ သမာဓိ၊ ပညာတွေ တိုးပွားလာစေဖို့ အသက်ဆက်ပေးနေတယ် ဆိုရင်လည်း မှားမယ်မထင်ပါဘူး။ ဒါကိုမှ နှလုံးသားထဲမှာ ဘုရားတည်ပေးတာ မဟုတ်ရင် ဘယ်ဟာကို ဘုရားတည်တယ်လို့ ဆိုအုံးမှာလဲ?

ဘုရားတည်တယ်ဆိုတာ ဘာလည်း? အပြင်မှာ ရွှေစေတီကြီးတွေ ၀င်းနေတာကိုမှ ဘုရားတည်တယ်လို့ ခေါ်တာလား? နိုင်ငံတစ်နိုင်ငံရဲ့ သာသနာတော် တိုးတက်မှုကို ဘုရားစေတီတွေ အများကြီးရှိတာနဲ့ တိုင်းတာရမှာလား? အဲ့လိုမျိုး ဘုရားစေတီတွေများမှ သာသနာတော် တိုးတက်တယ်လို့ ထင်နေရင်တော့ မှားနေတာပါနော်။ အပြင်မှာတည်ထားတဲ့ ဘုရားစေတီတွေ ဘယ်လောက်များများ လူတွေရဲ့ နှလုံးသားထဲမှာ ဘုရားရှင်ဆုံးမခဲ့တဲ့ သီလ၊ သမာဓိ၊ ပညာဆိုတဲ့ တရားတွေ ကိန်းဝပ်မနေရင် အပြင်မှာ တည်ထားတဲ့ ဘုရားတွေ ဘယ်လောက်များများ တစ်ချိန်ချိန်မှာ ဘုရားရှင်ရဲ့ အဆုံးအမတွေ မလွဲမသွေ ကွယ်ပျောက်သွားရမှာပါ။ ယခု ဟိန္ဒြူဝါဒကို အများဆုံး ကိုးကွယ်နေတဲ့ အိန္ဒိယနိုင်ငံဟာ အရင်က ထေရ၀ါဒဗုဒ္ဓဘာသာ နိုင်ငံတစ်ခုဖြစ်ခဲ့ပြီး စေတီပေါင်း မရေမတွက်နိုင်အောင် များပြားခဲ့ပါတယ်။ ဒါပေမယ့် သူတို့တွေရဲ့ရင်ထဲမှာ ဘုရားရှင်ဆုံးမခဲ့တဲ့ သီလ၊ သမာဓိ၊ ပညာဆိုတဲ့ အဆုံးအမတွေ မကိန်းဝတ်ခဲ့တဲ့အတွက် ယခုအခါမှာ အစအနတောင် ရှာလို့မရလောက်အောင် ဘုရားရှင်ရဲ့ အဆုံးအမတွေ ကွယ်ပျောက်ခဲ့ရပါတယ်။ ဘုရားပုထိုးစေတီတွေဆိုရင် မိုင်းခွဲသူကခွဲ.. ဖျက်စီးသူက ဖျက်စီးနဲ့ အင်မတန် အရုပ်ဆိုး အကျည်းတန်ခဲ့ရပါပြီ။ ဒါကျွန်တော်တို့ လူမျိုးတွေအတွက် သင်ခန်းစာယူစရာ အချက်တစ်ချက်ပါပဲ။

ဒီဘုရားတည်တဲ့ အကြောင်းလေးကို အလှူအတန်း လှူဒါန်းတာနဲ့ ဘာလို့ယှဉ်ပြောရလည်းဆိုတော့ လူအများစုက ဘုရားတည်တာမှ သာသနာပြုတယ် ထင်နေကြလို့ပါ။ တကယ်တော့ ဘုရားတည်တာဟာ သာသနာပြုတာ မဟုတ်ပါဘူး။ ဒါနသဘောပဲ သက်ရောက်ပါတယ်။ သာသနာပြုတယ်ဆိုတာ တကယ်တော့ လူတွေရဲ့ နှလုံးသားထဲမှာ ဘုရားရှင်ရဲ့ အဆုံးအမဖြစ်တဲ့ သီလ၊ သမာဓိ၊ ပညာဆိုတဲ့ အဆုံးအမတွေ ကိန်းဝပ်နေအောင်.. လိုက်နာကျင့်ကြံတတ်အောင် ဆုံးမပေးတာမှ သာသနာပြုတယ်လို့ ဆိုပါတယ်။ အခု ဆရာတော်အရှင်ဇ၀န လှူဒါန်းလိုက်တဲ့ အလှူမျိုးကမှ လူတွေရဲ့ နှလုံးသားထဲမှာ ဘုရားတည်ပေးလိုက်တာပါနော်။

စားစရာသောက်စရာမရှိတဲ့ လူတွေမှာ ကုသိုလ်လုပ်ဖို့ဆိုတာ အခက်အခဲများစွာ ရှိပါတယ်။ နောက်ပြီး ရောဂါဝေဒနာ ခံစားနေရတဲ့ အနာကြီးရောဂါသည်တွေဆိုတော့ လူတောလည်း မတိုးရဲ.. လူတကာကလည်း ကဲ့ရဲ့.. ဒီကြားထဲ ဆေးဖိုးဝါးခလည်း မတတ်နိုင်နဲ့.. အင်မတန် ဒုက္ခရောက်ရပါတယ်။ ဒီတော့ သူတို့အတွက် ကုသိုလ်လုပ်ဖို့ အချိန်ဆိုတာ ဘယ်မှာလည်းနော်။ လုပ်ချင်ရင်တောင် တော်တော်လေး အခက်အခဲ ဖြစ်နိုင်ပါတယ်။ ဒီလို တကယ်လိုအပ်နေတဲ့ အချိန်မှာ ဆရာတော်ထောက်ပံ့လိုက်တဲ့ ငွေကြေးလေးကြောင့် သူတို့တွေ စိတ်ချမ်းသာမှုရပြီး.. ဒီငွေလေးနဲ့ အသက်ဆက်ပြီး ကုသိုလ်တွေလုပ်နိုင်အောင် ကြိုးစားမယ်ဆိုရင်.. ကိုယ်လှူလိုက်တဲ့ ငွေကြေးဟာ သူတို့တွေရဲ့ ရင်ထဲမှာ ကုသိုလ်တရားတွေ ပွားများစေဖို့ ဘုရားတည်ပေးလိုက်တာနဲ့ အတူတူပါပဲနော်။

ဒီအတိုင်းပါပဲ.. ဘယ်အလှူပဲဖြစ်ဖြစ် လိုအပ်တဲ့ နေရာတွေကို လှူတတ်မှ အကျိုးများပြီး ပါရမီထိုက်တာပါ။ တကယ်လိုအပ်နေတဲ့ ပရိယတ္တိစာသင်တိုက်တွေ.. ကျောင်းတက်စရိတ်မရှိတဲ့ ကလေးတွေ ထောက်ပံ့ကြေး ပေးတာတို့.. ရောဂါဝေဒနာ ခံစားနေရတဲ့ လူတွေကို ဆေးဖိုးဝါးခ ထောက်ပံ့တာတွေ.. ပြောရရင်တော့ လိုအပ်နေတဲ့ နေရာတွေ အများကြီး ရှိပါတယ်။ ဒါကို.. ကျွန်တော်တို့ ဗုဒ္ဓဘာသာ မြန်မာလူမျိုး အများစုက.. နာမည်ကြီးချင်လို့ ဘုရားတွေတည်ကြ.. ဘွဲ့ထူးဂုဏ်ထူးတွေရချင်လို့ မလိုအပ်တဲ့ နေရာတွေမှာ သိန်းပေါင်းများစွာ အကုန်ကျခံပြီး သုံးစွဲကြနဲ့.. အင်မတန် စိတ်မကောင်း ဖြစ်မိပါတယ်။ လိုအပ်နေတဲ့နေရာကို လိုအပ်သလို အသုံးမချတတ်တဲ့ အတွက်ကြောင့်.. တခြားဘာသာတွေက ငွေကြေးအသုံးချပြီး ဘာသာထဲ အတင်းဝင်ခိုင်းတဲ့အတွက်.. ငွေကြေးလိုအပ်နေတဲ့ဗုဒ္ဓဘာသာ မြန်မာလူမျိုးတွေဟာ ဘာသာခြားတွေ ဖြစ်သွားတာတွေ မနည်းတော့ပါဘူး။

လိုအပ်နေတဲ့နေရာတွေ လှူတာဟာ တကယ်တော့ သာသနာကို စောင့်ရှောက်နေတယ် ဆိုရင်လည်း မမှားပါဘူး။ ဆရာတော်အရှင်ဇ၀နရဲ့ ဆုံးမစကားလိုပါပဲ.. ဘာသာခြားကနေ ဗုဒ္ဓဘာသာကို ပြောင်းတာဟာ ဗုဒ္ဓဘာသာက မြတ်လို့.. ဗုဒ္ဓဘာသာကနေ ဘာသာခြားကို ပြောင်းတာဟာ ဗုဒ္ဓဘာသာတွေ ငတ်လို့ပါတဲ့။ ဟုတ်ပါတယ်နော်.. ကိုယ့်ဗုဒ္ဓဘာသာ လူမျိုးတွေက လိုအပ်တဲ့နေရာတွေ မလှူတတ်ပဲနဲ့.. နာမည်ကြီးအောင် ဘုရားတွေကို သိန်းပေါင်းများစွာ အကုန်ကျခံပြီး တည်ကြပါတယ်။ ဘုရားတည်တာကို အပြစ်ပြောတာ မဟုတ်ပါဘူးနော်။ ဘုရားတည်လို့ကုန်ကျမယ့် ပိုက်ဆံတွေအစား လိုအပ်နေတဲ့ နေရာတွေကို လှူစေချင်ပြီး လူတွေရဲ့နှလုံးသားထဲမှာ ပျောက်ကွယ်နေတဲ့ ဗုဒ္ဓရဲ့ အဆုံးအမတွေ ထည့်ပေးစေချင်တဲ့ သဘောလေးပါ။ ဗုဒ္ဓအဆုံးအမကို တကယ်သိသွားပြီ ဆိုရင်လည်း.. ဘုရား၊ တရား၊ သံဃာမြင်ရင် လက်အုပ်မချီပဲ မနေနိုင်သလို.. အိမ်မှာရှိတဲ့ ဘုရားကျောင်းဆောင် (ဘုရားစင်ဟု မသုံးလိုသောကြောင့်) ကိုလည်း ဘုရားရှင်ရဲ့ စေတီပုထိုး အဖြစ်ဖြင့် သက်တော်ထင်ရှားအလား ကိုးကွယ်တတ်သွားမှာပါ။

ဘုရားအဆုံးအမတွေ တကယ်သိသွားအောင် လုပ်ဆောင်ပေးတာဟာ လူတွေရဲ့ ရင်ထဲမှ ဘုရားတစ်ဆူစီ တည်ပေးတဲ့အတွက် လူအများစုကို ဘုရားအဆုံးအမတွေ တည်အောင် ထည့်ပေးနိုင်ရင် ဘုရားပေါင်း မြောက်များစွာ တည်ပေးတယ် ဆိုရင်လည်း မမှားနိုင်ပါဘူးနော်။ ဒ့ါကြောင့် ကျွန်တော်တို့ ဗုဒ္ဓဘာသာ လူမျိုးတွေအနေနဲ့.. အပြင်မှာတည်မယ့် ဘုရားတွေထက်.. လိုအပ်နေတဲ့ နေရာတွေမှာ လိုအပ်နေတဲ့ လူတွေကိုလှူရင်း.. သူတို့တွေရဲ့ ရင်ထဲမှာ မရှိသေးတဲ့ ဘုရားရှင်ရဲ့ အဆုံးအမတွေ တည်ပေးနိုင်အောင် ကြိုးစားကြပါလို့.. ဆရာတော် အရှင်ဇ၀နရဲ့ မေတ္တာဓါတ်ကို ဦးညွတ်ကန်တော့ရင်း ဆန္ဒပြု ဆုတောင်းပေးပါတယ်။ ဆရာတော်အရှင်ဇ၀နရဲ့ အလှူအတန်း ဖိုတိုများကိုလည်း ကြည်ညိုသဒ္ဓါ ပွားများစေဖို့အတွက် ဖော်ပြပေးလိုက်ပါတယ်။ အားကျအတူယူကာ သာသနာတော်ကို စောင့်ရှောက် ကြည်ညိုနိုင်ကြပါစေ…။